| Benvidos a páxina de SACANDOVIRUTAS. Son Martín
Morales Ferreiro, artesán , e aquí vouvos amosar os meus
traballos.
Este é un pequeno obradoiro artesanal nunha aldea do
concello de Rairiz de Veiga , na bisbarra de A Limia ( Ourense).
Aquí elabóranse diferentes artículos en madeira. Obxetos
funcionais e decorativos como letreiros, escudos, colgachaves,
reloxos, lámpadas, pequenos mobles, escachanoces, esculturas,
miniaturas etnográficas, ...
Tratamos de que todas estas pezas , elaboradas unha a
unha, teñan personalidade propia, con toda a esencia do traballo
artesán.
Son pezas enxebres, tratando de reivindicar a estética
tradicional do mundo rural.
Principalmente empregamos madeira de castiñeiro, ainda que
tamén carballo, piñeiro silvestre, nogueira, e outras madeiras da
zona. As veces recurrimos ao abeto dos paises nórdicos para
certos traballos. Non empregamos madeiras tropicais.
Principalmente traballamos por encargo, pero tamén acudimos
cos nosos produtos a diversas feiras de artesanía.
Proximamente acudiremos a BIOCULTURA, no IFEMA de Madrid do 3 ó 6 de novembro e despois do 3 ó 11 de decembro, imos a Milán á maior feira de artesanía de Europa e quizais do mundo: L'Artigiano in Fiera.
Nestas páxinas damosvos a coñecer algúns dos nosos
traballos, que esperamos sexan do voso agrado.
|
